Firma / Jobs

Zur Verstärchig vo eusem Entfüechtigstechnik-Team mit Sitz in Uerkheim sueched mir per sofort oder nach Veriibarig:

Leckortungsspezialist:in (100%)

Entfeuchtungstechniker:in (100%)

Dini Ufgabe:

• Vo de Analyse mit moderne Leckortigsgrät bis zur Behebig vom Schade bisch du d’Asprechperson für eusi Chunde und Partner und stellsch en ribigslose Ablauf sicher
• Du nimmsch Füechtigkeitsmessige und Uswertige selbständig vor
• Du beratisch eusi Chunde bi allne Arte vo Füechtigkeitsproblem und Wasserschäde
• Du koordiniersch d’Abwicklig vo de notwendige Leckortigs- und Trochnigsarbete
• Du informiersch eusi Chunde (Mieter, Verwalter, Versicherer, Eigetümer) vor Ort, per Mail oder telefonisch über d’Arbeite zur Wasserschadebehebig

Du bringsch mit:

• Handwerklichs und technischs Interessi
• En höchi Sozialkompetenz im Umgang mit Uftraggeber wie Verwaltige, Versicherige, Mieter und Eigetümer
• Du schaffsch selbständig, bisch belaschtbar und unterstützisch dini Teamgspändli
• Pflegts Ufträtte und chunde- und dienschtleischtigsorientierts Schaffe
• Sehr gueti Düütschkenntnis
• Führeruswis Kategorie B
• Grundkenntnis im Microsoft Office (Excel, Word, Outlook)

Vo eus döffsch du erwarte:

• Es vielfältigs, spannends Ufgabegebiet ime kollegiale, fründschaftliche und familiäre Team
• En fachmännischi Iarbeitig i eusi Abläuf und Vorgehenswise
• Es Firmefahrzüüg, ziitgemässi Astelligsbedingige und hochwertigi Arbetsgrät
• Cooli Team-Events

Mir freued eus uf dini vollständige Bewerbigsunterlage uf und uf es persönlichs Kennelern-Gspröch mit dir!